जॅंके कीं परख नांय
इनजे वखाण थी
संभारी नें हलज
जुको पारखू आय
इनजे मोन थी तूं
वसंत धिरजी हलज
– वसंत मारू… चीआसर
इनजे वखाण थी
संभारी नें हलज
जुको पारखू आय
इनजे मोन थी तूं
वसंत धिरजी हलज
– वसंत मारू… चीआसर
गिञ
गिञ 🍁
***
***
जिंधगी मिलई अय जिरा खिली गिञ,
हुंभ ने हिंयारीसें मिणीसें मिली गिञ.
कॅरक उतार-चड प अचींधा वाटमें,
जीवन भगीचेमें जिरा टिली गिञ.
सितारा अभमें जबकेंता कॅडा ,
इनी वारेजीं कॅरक तूं प खिरी गिञ .
परिवार मिल्यो आय निसीभें मिठडो,
प्रेम वांटीने मिणीसें हिलीमिली गिञ.
रात कारी-ऊजारी अचॅती रोजरोज,
सिज खणी पिरॉ छिलॅती तूं प छिली गिञ.
भानुबेन सावला
धवा गिञेथी…
तान्का
*****
धवा गिञेथी
काया जी कुसराई
भजी विञेती
संत जे सत्संग थी
मन जी कुसराई
: वसंत मारू…चीआसर
***************************
*****
धवा गिञेथी
काया जी कुसराई
भजी विञेती
संत जे सत्संग थी
मन जी कुसराई
: वसंत मारू…चीआसर
***************************
विगर खाधे काया नती हलॅ
त खासो खा
विगर कोछे वॅवार नतो हलॅ
त खासो कोछ
: वसंत मारू…चीआसर
जिंधगी
जिंधगी
——
मुंभइजा माडु कॅडी
जिंधगी गुजारीयें;
——
मुंभइजा माडु कॅडी
जिंधगी गुजारीयें;
खें घरें त ओगार
ठेसनेंते वारीएं.
मनडो
——
सउं हले ज सिज उगाय,
ऊंधो हले त अंधेरी;
“तेज” चें एडो मनडो
छाल थीए म केंसे वेरी.
तंतर
—-
अज उड्घाटन में कतर,
स्वागत में आंटी;
“तेज” तंतर इं ज हलेतो,
कित फिटक कित डांटी
(कविजी चोपडी
“तेज-वाणी” मिंजा)
छिलांग
तॉजी वाट तें कोय
खडो करे त कॅनी
तूं नाराज न थीज
आभार मनी गिञ
वसंत ई ऊ आय
जुको तॉके छिलांग
मारे जो सिखायतो
*- वसंत मारू…चीआसर*
खडो करे त कॅनी
तूं नाराज न थीज
आभार मनी गिञ
वसंत ई ऊ आय
जुको तॉके छिलांग
मारे जो सिखायतो
*- वसंत मारू…चीआसर*
वसंतराणी…
वसंतराणी….
नवले सोरॅं सणगारें महेकंधे आवई वसंतराणी
फुलडेंजा जांजर छमछमंधे आवई वसंतराणी
कोयलडीयूं कुणकारीएं, मोरलां आवकारीएं
पखीयेंजा स्वागत वधाइंधे आवई वसंतराणी
कवली कुंपर लचॅंत्यूं नें नचॅं लागणी डारें
खिसकोलीएं भॅरी रमंधे आवई वसंतराणी
नंयारङ, नंयाउमंग नें नंयेतरङे सोभेती धरा
प्रकृतिजी जुआणाई खीलाइंधे आवई वसंतराणी
केसूडे जा कामण सिज઼ सोन छाबें तां हींचें
वासंती वावरा चूमींधे आवई वसंतराणी
‘मन’ पिरीं मिलणें हेज तां हींयें हिलोरेंतो
कसधार बखुं भरींधे आवई वसंतराणी
मनीषा अजय वीरा ‘मन’🌹
