Kutchi Maadu Rotating Header Image

Posts under ‘Kutchi Kavita,Chovak,Sahitya (Poetry, Quotes, Literature)’

कच्छी शायरी जी जलक

May 24th, 2017
by sachin.
1 comment
सरम वगर जी बायुं नकांमी
ने व्यसन वारा भा नकांमां,

प्राण वगर जी काया नकांमी,
ने मर्ये पोय ही मळे माया नकांमी

लागणीं वगर जा माडु नकांमां
ने नीती वगर जा नाणां नकांमां

मकान वगर जी बारी नकांमी,
ने अाखो डीं वोट्सअेप मे चोटी हुए
हेडी बायडी नकामी

विनय वगर जो ऋप नकांमु,
अने पां वगर ही ग्रुप नकांमु …

Reference : WhatsApp

कच्छ जो प्रवास

Apr 25th, 2017
by sachin.
2 comments
KachchhJoPravas1

Kachchh Jo Pravas 2

आगम वाणी

Apr 14th, 2017
by Jay जय.
4 comments
कच्छमे लगभग चॉदोसो वरें पॅला श्री मामैयदेव थईं व्या.
श्री मामैयदेवजी भविष्यवाणी सची पई रई आय हॅडो लगेतो :

[१]कुंवर विकनींडा काठीयुं,
रा विकनींडा घाह,
‘मामै मातंग, चे,
नाणे विकंधा न्याह.

[२] खचरडा खीर खायेंदा,
तगडा थींदा ताजी,
वडा माडु वेही रोंधा,
पूंछा ईंधा पाजी.

[३]सनेजीवेजी शरम न रोंधी,
न रोंधी मनमें मेर,
धन खर्चे धर्मी चवांधा,
कंधा वडे से वेर.

[४]मेडीयुं पाडे ने मारग थिन्दा,
कबरमें थीन्दा घर,
अस्त्री वेंधी तखत पे,
जाळी लोदिन्डे नर.

[५]शाह छडिन्धा शाहपणुं,
सच्च छडिन्धा शेठ,
भामण भणन छडिन्धा,
जाडेजा कंधा वेठ.

[६]भुख माडु ते भड ध्रिजंदा,
शियाळे ध्रिजंदा सीं,
पे ध्रिजंदा पुतरते,
हेडा अच्चेंन्धा डी.

ध्यान थी वाचिजा भला

Apr 14th, 2017
by sachin.
No comments yet
*शब्द कच्छी में अईं।*
*ध्यान थी वांचिजा भला*

*वॅर*
*वैभव*
*व्यसन*
*अने व्याज*

*व्हाला थई ने*
*करिंधा ताराज*

*हिनिंके वधारिंधा त*
*वनाइंधा लाज*

*अने घटाडिंधा त*
*करिंधा राज*

हेकडा करोडें …

Feb 11th, 2017
by Jay जय.
No comments yet
हेकडा करोडें में कोछेंता
ब्या लखें में कोछेंता
त्रेया हजारें में कोछेंता
जेर भोख लगेती पेटमे तॅर
ही मडे मानीला लोछेंता !

सहारो

Dec 6th, 2016
by sachin.
No comments yet
सहारो
*****

भनी सगुं त केंजो क सहारो भनुं,
केंजे क जीवन जा तारणहार भनुं ,

जीवन त हकडे वडे झाड जॅडो आय ,
कोइ क निर्दोस पंखीडे जो माडो भनुं ,

मंझील ने ध्येय मेणीं जे जीवन में वेंता,
कोइ क जीवनसाथी जो सथवारो भनुं ,

धिल थी धिल मेंलॅ ई त प्रॅमी अें जी रीत आय,
पण कोइ क प्रॅमाणधिल जो धिलदार भनुं ,

“श्रवण” जेडा त पां न चॉवाजुं,
पण पां पांजे माँ बाप जो सहारो भनुं

कवि हिंमत गोरी
સહારો
******

ભની શગું ત કેંજો ક સહારો ભનું ,
કેંજે ક જીવન જા તારણહાર ભનું ,

જીવન ત એકડે વડે ઝાડ જેડો આય ,
કોઈ ક નિદૉષ પંખીડે જો માળો ભનું ,

મંઝીલ ને ધ્યેય મેણીં જે જીવન મેં વેતાં ,
કોઈ ક જીવનસાથી જો સથવારો ભનું ,

ધિલ થી ધિલ મેંલે ઈ ત પ્રેમી એ જી રીત આય ,
પણ કોઈ ક પ્રેમાળધિલ જો ધિલદાર ભનું ,

“શ્રવણ” જેડા ત પાં ન ચોવાજું ,
પણ પાં પાંજે માઁ – બાપ જો “સહારો” ભનુ .

Kavi હિમત ગોરી

लखपत

Nov 16th, 2016
by sachin.
No comments yet

।। लखपत ।।
*लखें जो लोडार, लखपत।
भारत जो पेरेधार, लखपत।
* कोटेसर कटेसर मड माता जो।
नारणसरजी पार, लखपत।
* लालछता ने पीर सावलो।
नानक जो धरबार, लखपत।
* कडे कमाणीयुं थइ लखें जी।
कडे भनी वीठो भेकार, लखपत।
* कारी खाण्युं कोलसें वारी।
लायटें जो चमकार लखपत।
* न चरो चोपें के पाणी पीतेला।
डीठा कंइक डुकार, लखपत।
* धरती रूपारी धांय घणा थींये।
जडे मीं वुठो श्रीकार, लखपत।
*भाडरो सांध्रो नरो गोधातड।
पोख जा आधार, लखपत।
* मेंयु गोइयुं जा खीर ने मावो।
भनी वयो शाउकार लखपत।
* धवाखाने मे धागतर न’वे।
मास्तर वगर जी निशार, लखपत।
* मधध बार जी कडे प न मीले।
मालिक ते ऐतबार, लखपत।
* गीने वारा गीने भले तोजे नां ते।
डिनो वारो अंइ दातार, लखपत।
* “जय” ऊथों पां भेठ भंधे ने।
धुनिया के चों ” न्यार, लखपत।

: हितेस जोसी
reference : https://www.facebook.com/tejpaldharsinagda.tej

मुंजे मनजी गाल !

Oct 25th, 2016
by Jay जय.
2 comments
मुंजे मनजी गाल
*************

न वाद खपॅ न विवाद खपॅ
पांके त बस,पेंढमे प्रेमभाव खपॅ

न नाम खपॅ न तख्ती खपॅ
पांके त बस “माँ” जी भक्ती खपॅ

न पद खपॅ न मान खपॅ
पांके त बस पांजो संगठन खपॅ

न सायर खपॅ न वख्ता खपॅ
पांके त बस पांजी अेकता खपॅ

जय माताजी !
जय कच्छ !

મુંજે મન જી ગાલ
*****************
ન વાદ ખપે,ન વિવાદ ખપે
પાંકે ત બસ, પેંઢ મેં પ્રેમભાવ ખપે……
ન નામ ખપે,ન તખ્તી ખપે
પાંકે ત બસ,”માં”જી ભકત્તી ખપે……
ન પદ ખપે ,ન માન ખપે
પાંકે ત બસ, પાંજો સગઠન ખપે…….
ન શાયર ખપે,ન વકત્તા ખપે
પાંકે ત બસ,પાંજી એકતા ખપે……
જય માતાજી

क्च्छ्ते वठा मीं…

Aug 27th, 2016
by Jay जय.
No comments yet
वावड आया वतनजा
के क्च्छ्ते वठा मीं
हल मनवा हाण्हे हेता
हेत्ते नेकरें नता दीं
कच्छ्ड़ो असान्जो कामणगारो
जेडो केसर सिंह
आफत अचें अज्पण ओखियुं
तोय तोय हटींन दियुं इं
व्हाले वतनजे विरहमें
धेल धाम रे कीं
सारस वगर सारसी
प्राण डै दे जीं
किर्ती चेतो हल्यो वेने
सिकंधर हल्योवेयो जीं
बधी सधी बारे वेज्धा
पोय कच्छ पोज्ने कीं
जय मात्रुभूमि !

खाली हथ आयाशीं

Apr 27th, 2016
by Jay जय.
No comments yet
खाली हथ आयाशीं ,
खाली हथ वेंधाशीं ,
मेलेयो आय मोको त ,
सारा करम करीयुं सरार ,

कुळ , कपट ने कसोटी से ,
भरेयो आय ई संसार ,
विचारी ने करयो व्यवहार ,
नेकां मथो कोटीधां सजी जमार ,

समजी सगो त समजो ,
“समज के आय मार”,
थीधीं हाकल मथे वारे जी त,
लेख न लगधी वार ।

← Earlier Posts
Newer Posts →