ખેણું , પીણું નેં ખારાયેણું……..,
જીંદગી મેં બસ હીં જ……..,
મોજ મેં રોણું ને મોજ મેં જીયણું……,
કોય કીં પણ ચે છતાં પ મોજ મેં રોણું…..,
સમજ પે ત બોલણું નેકાં ત ચોપ રોણું……,
ધોનિયાં જા ભાર ખણી કોર આય કેણું……,
એતરે ચાંતો……,
થોડો જીયણું પ મોજ મેં જીયણું…….
कडवो बोली नें फेटायो न कें सें ,
कोरो खबर केर गरज पे कें सें ,
जीयुं नें बें कें जीयेलां दियुं सुख सें ,
जीयुं त कींक ऐडो जीयुं प्रेम सें,
के हलें वेनें पोय धोनीयां याद करे नांले सें …..
ब पैसा खटेला परदेस में वसांतो
छता प घडी घडी कच्छला लोछांतो
परदेस में रही मॉज मजा करीयांतो,
छतां प कच्छके सेकांतो,
मेलें को कच्छजा माडु त,
होंसें हेंसें कच्छजा वावड पोछांतो
मन में अंघरो अंधऱ कच्छला रुवांतो
अेतरे कच्छजी कविताउं कच्छीमे लखांतो
**** जियॅ पांजो कच्छ ****
मां जे खोरे मे आय सोख जो सागर ,
मां जे खोरे मे नेढां लगे डोख जा डुंगर ।
मां जी ममता जो नांय की मोल,
मां जी ममता आय अनमोल ।
अषाढ उभो आय उंभर तें जेठ थ्यो पूरो!
वसी पो वला मोडो म कर ऐयें सतें पेढीयें सुरो!
वसी पो तुं वेलो अची डुकार डिठा अयीं गच
ब्या डिठा अैइ वांचडीया ने धरा धुबेजो डप
खेड आडु हरोरी करींये ब्ये गोठ वने जी गत
नर्मदा मा जे आसरे ते मड मड रेइ आय पत
हाणे जल्धी अच
पाणी व्या पातार में …
मन छडी ने वस वल्ला मोडो कर म वीर!
सिकें असांजीयुं अखडीयुं न्यारेला मिठडा नीर!
ओगनाय छड डेम तरा ने मोराय डे राममोल!
आणां पियाणां जियाणां खोंभी जो माहोल!
ठा जला़य म ठाकर ही लगे नतो खासो!
वसी पो वला वमभरे म कर जिजो तमासो!
पाणी व्या पातार में वाडीयुं सुकीयुं भठ्ठ
डेम तरायुं खाली खम अंइ पाणी नाय निपट
वगडो सोको वेरान थेयो आय जनावरें जी नांय गत
झाड पोखेजो जोर करीयुं प पाणी आय तो वट
पर्यावरण के लगी पिट
वेसलो न कर वसे पो …
वेसलो न कर वसीपो बारो मिंजा डीइ छड अध
चोवटुं करे इन्धर सें कर्यों वसे जी गत
डीठा नैयुं कइ टेम से अभ में इन्धर लठ्ठ
रंग जमी रे कच्छ ते वसायों एडी वस
प्रभु रखो हाणे पत
कच्छडे के तुं न्याल कर …
