Posts under ‘Recipes’
सुभ डीयारी | डीयारी जी मिणीके जिज्यूं जिज्यूं वधाईंयू
डीयारी मनायूं
~*~*~*~*~*~*~*~*
~*~*~*~*~*~*~*~*
डीयारी आवई वला डीयारी मनायूं
एडी पिरभेजीं मा’राणी डीयारी मनायूं
हींये उमंग भरी हुंभसे पिरभ मनायूं…(२)
फटाकें जी तडाफडी…अंगण रंगोडी सजायूं
एडी पिरभेजीं मा’राणी….
जगमगाट डिसजे रंगबीरंगी बतीयूं…(२)
कंढील लगाई…डीये जी जोत जगायूं
एडी पिरभेजीं मा’राणी…..
मेवा मिठाई वला नित नवी वानीयूं…(२)
जिलेभीने फाफडेजी…मिजभानी उडायूं
एडी पिरभेजीं मा’राणी…..
धन ने लखमी जा वडा पूजन करायूं…(२)
खिली खिलाई वसंत…डीयारी मनायूं
एडी पिरभेजीं मा’राणी…
– वसंत मारू…चीआसर
————————-
डीयारी जी मिणीके जिज्यूं जिज्यूं वधाईंयू
नॅ वरेज्यूं शुभेच्छाऊं
कच्छ अलग राज्य भनायला आह्वान
कच्छ मे वधारेमे वधारेमे रोजगारजी तकुं ओभी करेला मिणीं कच्छीयें के अरज आय.
मिणींके कच्छी भासा मेज बोलेजी अरज आय.
जय कच्छ !
मिणींके कच्छी भासा मेज बोलेजी अरज आय.
जय कच्छ !
पंज महत्वजा कार्य पांजे कच्छ ला
पांजी मातृभूमी कच्छ, मातृभासा कच्छी ने पांजी संस्कृति ही पांला करे अमुल्य अईं. अज कच्छ में ऊद्योगिक ने खेतीवाडी में विकास थई रयो आय. बारनूं अलग अलग भासा बोलधल माडु प कच्छमे अची ने रेला लगा अईं. हॅडे वखत मे पां पांजी भासा ने संस्कृति के संभार्यूं ही वधारे जरूरी थई व्यो आय. अमुक महत्व जा कार्य जे अज सुधी पूरा थई व्या हुणा खप्या वा ने जे अना बाकी अईं हेनमेजा जे मिणीयां वधारे महत्वजा अईं से नीचे लखांतो.
१. चोवी कलाक जो कच्छी टी.वी.चेनल
अज जे आधुनिक काल में जमाने भेरो हले जी जरूर आय. अज मडे टी.वी. ने ईंटरनेट सुधी पोजी व्यो आय. हॅडे मे पांजा कच्छी माडु कच्छी भासा मे संस्कृति दर्सन, भजन, मनोरंजन, हेल्थ जी जानकारी ने ब्यो घणें मडे नेरेला मगेंता ही सॉ टका सची गाल आय. हेनजे अभाव में पांजा छोकरा ने युवक पिंढजी ऑडखाण के पूरी रीते समजी सकें नता. खास करेने जे कच्छ जे बार रेंता हु कच्छी भासा ने संस्कृति थी अजाण थींधा वनेंता.
अज जे आधुनिक काल में जमाने भेरो हले जी जरूर आय. अज मडे टी.वी. ने ईंटरनेट सुधी पोजी व्यो आय. हॅडे मे पांजा कच्छी माडु कच्छी भासा मे संस्कृति दर्सन, भजन, मनोरंजन, हेल्थ जी जानकारी ने ब्यो घणें मडे नेरेला मगेंता ही सॉ टका सची गाल आय. हेनजे अभाव में पांजा छोकरा ने युवक पिंढजी ऑडखाण के पूरी रीते समजी सकें नता. खास करेने जे कच्छ जे बार रेंता हु कच्छी भासा ने संस्कृति थी अजाण थींधा वनेंता.
कच्छी टी.वी.चेनल ते चॉवी कलाक कच्छी भासा में अलग अलग जात जा प्रोग्राम जॅडीते न्यूज, सीरीयल, हास्य कलाकार, खेतीवाडी जा सवाल जवाब, भजन, योगा,….नॅरेला मलें त कच्छी माडु धोनिया में केडा प हुअें कच्छ हनींजे धिल जे नजीक रॅ ने कच्छ प्रत्ये ने कच्छी भासा प्रत्ये गर्व वधॅ. भेगो भेगो पिंढजी ऑडखाण मजबुत थियॅ. ही कार्य मिणींया महत्वजो आय.
२. स्कूल में १ थी १० सुधी कच्छी भासा जो अभ्यास
अज कच्छ जे स्कूल में बो भासाएँ में सखायमें अचॅतो गुजराती ने ईंग्लीस. कच्छी भासा जे पांजी मातृभाषा आय ने घणे विकसित आय ही हकडी प स्कूल नाय जेडा १ थी १० धोरण सुधी सखायमें अचींधी हुए. कच्छी भासा जे उपयोग के वधारे में अचॅ त ही कच्छीयें ला करे सारी गाल आय ने स्कूल में सखायमें अचे त हनथी सारो कोरो. भोज, गांधीघाम जॅडे सहेरें में जेडा बई कम्युनीटी ( गुजराती,सींधी,हींदीभाषी,….) जा माडु प रेंता होडा ओप्सनल कोर्स तरीके रखेमें अची सगॅतो. १ थी १० क्लास सुधीजो अभ्यासक्रम पांजा कवि, साहित्यकार ने शिक्षक मलीने लखें त हेनके स्कूल में सखायला कच्छी प्रजा मजबूत मांग करे सगॅती. जॅडीते गुजरात, महाराष्ट्र,…. मे मातृभासा जो अभ्यासक्रम त हुऍतोज.
अज कच्छ जे स्कूल में बो भासाएँ में सखायमें अचॅतो गुजराती ने ईंग्लीस. कच्छी भासा जे पांजी मातृभाषा आय ने घणे विकसित आय ही हकडी प स्कूल नाय जेडा १ थी १० धोरण सुधी सखायमें अचींधी हुए. कच्छी भासा जे उपयोग के वधारे में अचॅ त ही कच्छीयें ला करे सारी गाल आय ने स्कूल में सखायमें अचे त हनथी सारो कोरो. भोज, गांधीघाम जॅडे सहेरें में जेडा बई कम्युनीटी ( गुजराती,सींधी,हींदीभाषी,….) जा माडु प रेंता होडा ओप्सनल कोर्स तरीके रखेमें अची सगॅतो. १ थी १० क्लास सुधीजो अभ्यासक्रम पांजा कवि, साहित्यकार ने शिक्षक मलीने लखें त हेनके स्कूल में सखायला कच्छी प्रजा मजबूत मांग करे सगॅती. जॅडीते गुजरात, महाराष्ट्र,…. मे मातृभासा जो अभ्यासक्रम त हुऍतोज.
कच्छी रेसीपी : कच्छी समोसा
कच्छी समोसा
**********
**********
स्टफींग भनायला करे सामानः
———————————–
———————————–
तेल ३ टे. स्पून
हींग १ टे. स्पून
कांदो(डुंगरी) ३ नंग मीडीयम सोधारेली
मिक्सर में पीसेला चणेजे अटेजा भजीया १ कप
मीठो स्वाद अनुसार
गरम मसालो २ टी.स्पून
लाल मरचो पावडर २ टे. स्पून
सक्कर १ टी.स्पून
लींबुजा फूल चपटी
पाणी ३ टे. स्पून
समोसेजो अटो बधेला करे सामानः
————————-
मेंदेजो अटो २ कप
सोजी २ टे. स्पून
मोण जरूर मुजब
मीठो स्वाद अनुसार
लींबुजो रस १ टी.स्पून
तेल तरेला करे
पेरसेला करे सामानः
—————
गोळ आमली जी चटणी
टोमेटो केचअप
लीली चटणी
कच्छी समोसा भनायजी रीत
———————–
समोसे जो पड भनायजी रीत :
मेंदो, मीठो, सोजी, मोण मिक्स करे लींबुजो रस वजी,थोडो पाणी वजी मानी जेडो अटो बधेजो.अडधो थी १ कलाक अटे के आराम डनेजो.
समोसे जो स्टफींग भनायजी रीत :
हेकडे जाडे वासण में ३ टे. स्पून तेल वजी मीडीयम गेस ते तेल गरम थीये त हींग वजेजी.हाणे कांदा वजी चपटी ,मीठो वजी गोल्डन थीये तें सुधी सेकेजा. मिक्सर में पीसेला चणेजे अटेजा भजीया १ कप वजी हलायजो.मीठो ने गरम मसालो वजेजो.हाणे लाल मरचो,सक्कर, लींबुजा फूल वजी २-३ टे. स्पून पाणी वजी मिक्स करेजो.हाणे हेकडे थारी में ठारेला रखेजो.
समोसे ला करे पूणी भनाय सेंटरथी छेडे सुधी हेकडो कापो करे कॅोन आकार डइ भरोभर स्टफींग भरेजो ने छेडो भंध करेजो. छेडो भंध करेला पाणीवारी आंगरी वापरे सको.हाणे हेकडे ऊंडे वासणमें तरेला तेल खणी धीमे तापे तरेजा.
गरम गरम कच्छी समोसा खाईंधे खाईंधे कच्छ के जाध करीजा.
*कच्छी समोसा कोयपण चटणी भेगो खाई सगोता.
Video Reference:
कच्छी दीवाली रेसिपी : फीणीया लड्डु
फीणीया लड्डु
**********
**********
१ किलो घेवें जो अट्टो
१ /२ किलो पीसेली सककर
३/४ किलो घी
२-३ चमचा घी धाबो डनेला
१ या १ /२ कप गरम पाणी / दूध
ऐलची पावडर, जांयफर
हेकडी वडी थारी में घेवें जो अट्टो, घी , गरम पाणी / दूध वजी मिक्स करे ५ -६ कलाक रखेजो. अट्टे के हलके हथ सें छाणेजो.हेकडे जाडे वासण में धीमें तापें सेकेजो.गुलाबी तीये तेर ओतारे बाजुमें रखेजो.
हेकडी वडी थारी में ३/४ किलो घी खणी हथाळी सें १ /२ कलाक हेकडी दीशा में फीण्यो.हाणे पीसेली सककर वजी १५ -२० मिनिट दीशा में फीण्यो. हाणे सेकेलो अट्टो , ऐलची पावडर, जांयफर मिक्स करेजो. लड्डु भनायजा.
जो अट्टो सोको लगे त थोडो घी वजी लड्डु भनायजा.
कच्छी रेसीपी : मेठी मानी
मेठी मानी
मेठी मानी नालो सोणी मोंमे पाणी ने मेठास अची वेने.पाँ कच्छी माडु ‘थधो’, ‘शीतला सातम ‘जे डीं भनाईयुं.. (अगले डीं) छठ जे डीं भनायली मेठी मानी ने बई चीजुं सातम जे डीं खावाजें. सातम जे डीं पूजापाठ करे ने गेस/स्टव के आराम डेवाजे.
मेठी मानी भनायजी चीजूँ :
————————-
Kutchi Recipe : Khechdi (Khichdi, Masala Khichdi, Fadeji Khichdi)
KUTCHI KHECHDI (KHICHDI)
PAANJI KUTCHI KHECHDI. Kutchi Khechdi nande chokre thi kare vade maadu je tabiyat la kare saari aay.
Bhanayla Kare :
3/4 vaadko Chalti(split moong dal with skin)
1/4 vaadko Chokha(rice)
4 vaadka Paani
Meetho swaad anusaar
chapti Hing
1 chamcho desi ghee(1 tbsp)
Bhanaayji reet :
Pela chokha ne chalti bhega kare paani se 6-7 waar dhuteja .Hekde madhyam size je tapeleme chokha-chalti,paani,meetho,hing vajikare cooker me 4-5 whistles vajaay bhandh kare vajejo.Thodiwaar thadhi thiye poy cooker khole ne khechdi me ghee vaji halaayjo.Paanji traditional Kutchi Khechdiji maja ganeji.
Kutchi Khechdi bhego dahi/kadhi/vaghaarela marchaa/papad/garam doodh /athaanu /kaando/raswaaro saak khaai sako.Variation la kare masala khechdi bhanaay sako.
MILD MASALA KHECHDI
(more…)
Diwali Kachchhi Recipe : BAAJAR JA MOTHIA
BAAJAR JA MOTHIA
Saamagri:
2 vaadko bajar jo atto
1 vaadko jowar jo atto
1 vaadko finely chopped kaanda(dungri/onion)
3 tbsp. radheli bhaat(cooked rice)
meetho swad anusaar(salt)
3 tbsp. tel (oil)
1 1/2 tsp.aadu-mercheji paste
1/2 tsp. hing
mothia baafela paani/cooker
Mothia Vagharela kare:
1 tsp. rai
1 tsp. ter(til/sesame seeds)
chapti hing
1 1/2 tbsp. tel(oil)
kothmari
khamnelo nariyel
Mothia bhanayji reet :
Kutchi Recipe : Lapai
Lapai (Laapsi) :
A delicious sweet made with broken wheat.It will nourish you with energy, protein and iron.In Kutchi we call it “Daare jo seero or Lapai”.
Ingredients :
1 cup broken wheat (bulgar /cracked wheat/daaro )
1 cup gud
3-4 cups water
1/2 cup Ghee
1 tbsp. Cardamom powder(elaichi)
Kaju (cashews)and Kismis(raisins), Badam (almond slivers)
Method :
(more…)