Posts from ‘November, 2019’

सोख डोख

सोखने डोख बोंय
अइ धोस्तार,
माडुयेंजे जीयणजा
इ अंइ आधार

हिकड़ो विञे सडा
ब्यो हाजर वे,
एडो प इनीमें
थ्यो आय करार

हीं नेर्यो त बींजा
भाग प सरखा,
इनीमें भागजी कींं
प नाय तकरार

सियारे सिज सोख
संउ टूंको प्यो लगे,
डोख लगे कर खणी
उभो वे वणजार

माडुयेंजो जीयण त
इंज हलधो हलेतो,
कडेंक इ घरमें वे
कडेंक इ घरनुं बार

सुख सिपरी संउ
इ मिठो लगे प्यो
डुख कुंभारजाजो डेप्यो
कीं अणसार

फुलते मांक विठीवे
एडा थइने रोजा
‘धुफारी’चे आंजो
धन थींधो अवतार.