पां सार्यों उनीजी शहीदीके , कुलभान कयों जें जिंधगानी.
कच्छजी आनो शान मान लाय , सिलाम ! लख लख अय जानी !
कच्छजी आनो शान मान लाय , सिलाम ! लख लख अय जानी !
: माधव जोशी “अश्क”
Posts under ‘Kutchi Kavita,Chovak,Sahitya (Poetry, Quotes, Literature)’
કચ્છી ગીત : કોધરતજી પાયલ
છનન છમકાર છમકે તી અરે ! કોધરત સંધી પાયલ !
અસાંજે ધિલકે ઈ પલમેં કરે ગમખ્વાર ને ઘાયલ
મિઠા મીં અજ વઠા મેંભૂભ જેડા મોભતી જગમેં
હવાજી લેહરમેં લેરે નીલુડો મખમલી છાયલ !
– છનન ….
અસાંજે ધિલકે ઈ પલમેં કરે ગમખ્વાર ને ઘાયલ
મિઠા મીં અજ વઠા મેંભૂભ જેડા મોભતી જગમેં
હવાજી લેહરમેં લેરે નીલુડો મખમલી છાયલ !
– છનન ….
ગુલાભી ગુલ ખિલી સામેં અચે ગુલશન મિંજા સૂંણા
સનમ જે ચહેરેજી સુરખી ભની મલકેં મિડે કૂંણા,
હિતે શબનમ ભની બુંધ બુંધ શોભે હાર વિખરાયલ !
– છનન ….
સનમ જે ચહેરેજી સુરખી ભની મલકેં મિડે કૂંણા,
હિતે શબનમ ભની બુંધ બુંધ શોભે હાર વિખરાયલ !
– છનન ….
ખોશી જંગલ જ્ભલ ભારી , કણોકણ છાઈ ખોશહાલી
પંખી કલશોર તા કરીએં જગા અજ નાંએ કોં ખાલી
મિઠી મોભતમેં થઇ મામુર ટહુંકે મસ્ત કારાયલ !
– છનન ….
પંખી કલશોર તા કરીએં જગા અજ નાંએ કોં ખાલી
મિઠી મોભતમેં થઇ મામુર ટહુંકે મસ્ત કારાયલ !
– છનન ….
જુકો ધિલ મેં ચગઈ રંગત , સે અજ આંસમાનમેં ડસજે
ભરમ એડા ડઠા પ્રીતમ ! ખોલાસો કો નતો સમજે ,
ડિઠયું ચોફેર મું ધિલભર જ્યું અખિયું મસ્ત શરમાયલ
ભરમ એડા ડઠા પ્રીતમ ! ખોલાસો કો નતો સમજે ,
ડિઠયું ચોફેર મું ધિલભર જ્યું અખિયું મસ્ત શરમાયલ
: પ્રીતમ જોશી
કોધરત સંધી : કોધરત જી , સૂંણા : સૂંહાણા , જ્ભલ : ડુંગર , મામુર : ચકચૂર
नाखुवा : कच्छी कविता
नाखुवा , होडी़ हाकार ! नाखुवा ,
नाखुवा , होडी़ हाकार !
विञणुं सामे पार ! नाखुवा,
नाखुवा , होडी़ हाकार ! …
नाखुवा , होडी़ हाकार !
विञणुं सामे पार ! नाखुवा,
नाखुवा , होडी़ हाकार ! …
वा तूफानी वंइये ता सामे , लह्ररयुं डुंगर धार !
विज वराका, वडर गज्जें, मिंय प मुसलधार
कंधी का आर न पार ! नाखुवा ,
नाखुवा , होडी़ हाकार ! …
विज वराका, वडर गज्जें, मिंय प मुसलधार
कंधी का आर न पार ! नाखुवा ,
नाखुवा , होडी़ हाकार ! …
नॉलो मुसाफिर अइयें तुं भी, नॉली धरियावाट !
आय पुराणी तोजी होडी़ , पूरी नांय आलाघ !
हथ तॉजा पतवार ! नाखुवा ,
नाखुवा , होडी़ हाकार !
आय पुराणी तोजी होडी़ , पूरी नांय आलाघ !
हथ तॉजा पतवार ! नाखुवा ,
नाखुवा , होडी़ हाकार !
सिक ज सच्ची आय मन में , महभूभ मिलण मनठार !
हेंमथ हिंयें में रक्खी ने तुं , होडी़ तुंहीं जी हाकार !
मौला थींधो मधधगार ! नाखुवा,
नाखुवा , होडी़ हाकार !
हेंमथ हिंयें में रक्खी ने तुं , होडी़ तुंहीं जी हाकार !
मौला थींधो मधधगार ! नाखुवा,
नाखुवा , होडी़ हाकार !
: माधव जोशी “अश्क”
माडी तोझी मानी : कच्छी गीत
मिणियां मूंके मिठी लगेती माडी तोझी मानी
माडी तोझी मानी में तां जोबन जोम जुवानी ….. मिणियां
माडी तोझी मानी में तां जोबन जोम जुवानी ….. मिणियां
धींगी कच्छडेजी धरती, धींगी बाजरजी मानी
धींगा तोजा हथडा माडी , धींगो कच्छी पाणी …… मिणियां
धींगा तोजा हथडा माडी , धींगो कच्छी पाणी …… मिणियां
मेमाणें के मेमानीमें मान ज डींधल मानी
देवेंके पण दुरलभ एडो दान ज तोजो दानी …… मिणियां
देवेंके पण दुरलभ एडो दान ज तोजो दानी …… मिणियां
माडी तोजे हथजी मानी , मुंजी इज कमाणी,
‘काराणी’ चे अमरत जेडी, मिठडी माजी मानी …… मिणियां
‘काराणी’ चे अमरत जेडी, मिठडी माजी मानी …… मिणियां
: कवी दुलेराय काराणी
तान में ने तान में !
महेफिल मे रंगत विइ वघी , इं तान में ने तान में !
ने रात व्यामी विइ सजी , इं तान में ने तान में !
ने रात व्यामी विइ सजी , इं तान में ने तान में !
इं तां घाँली वाटींधे भी, यार ! केंके ती अचे ;
व्यासीं खटी ही रांघ अजजी, तान में ने तान में !
व्यासीं खटी ही रांघ अजजी, तान में ने तान में !
यारें जी संगत जो चडी़ व्यो , अइं पोछाँ म ऐडो कैफ;
हेकला मस्ती में झुमों , तान में ने तान में !
हेकला मस्ती में झुमों , तान में ने तान में !
केर हुवासीं ? कीं मिल्यासीं ? प्यार माण्यो कीं असीं ?
रिइ न सुघ कीं भी असांके , तान में ने तान में !
रिइ न सुघ कीं भी असांके , तान में ने तान में !
पंध ओखो हो भलें ने , डिस प न्यारइ न कडें ;
‘ अश्क ‘ मन्झील ते पुगासीं, तान में ने तान में !
‘ अश्क ‘ मन्झील ते पुगासीं, तान में ने तान में !
: माधव जोशी “अश्क”
हकल : कच्छी बाल गीत
हकल
हिकड़ों , बो , त्रे , चार
हैया नकरो घरनुं बार.
हैया नकरो घरनुं बार.
पंज , छ , सत , अठ,
भेरी खण झा हथ में लठ.
भेरी खण झा हथ में लठ.
अठ , पोठिया अइं गणझा नों ,
साथ डिने झा खणझा सों,
साथ डिने झा खणझा सों,
झेडा़ नों अइं तेडा़ डो,
भडवीरें के केडो़ भो.
भडवीरें के केडो़ भो.
डो-वी कइंधे थींधा सो,
इगिया इगिया हलँधा रो !
इगिया इगिया हलँधा रो !
: कवि डो वसंतजी नागडा
कच्छ वतन
वल्ला वतन कच्छ ! असीं , सदा विठा सारीयूं
पल न विसारीयूं ! पल न विसारीयूं !
पल न विसारीयूं ! पल न विसारीयूं !
कारो धोरो नीलवो , घिणोधर निनामुं
झारो डुंगर धार्यों असीं, सदा विठा सारीयूं !
झारो डुंगर धार्यों असीं, सदा विठा सारीयूं !
निंधों, वडो रिण नेरयुं, निंढा वडा वेटा उ;
धारिया ज्यूँ लरयुं ! असीं, सदा विठा सारीयूं !
धारिया ज्यूँ लरयुं ! असीं, सदा विठा सारीयूं !
गोंयुं मेंयुं रिढ़ पॉयुं उठियुं भटारीयुं;
खीर नित विलोड़यों असीं, सदा विठा सारीयूं !
खीर नित विलोड़यों असीं, सदा विठा सारीयूं !
रापार भचाउ मडई मुनरो अंजार न्यारः
भोज ज्यूँ भाजारयुं असीं, सदा विठा सारीयूं !
भोज ज्यूँ भाजारयुं असीं, सदा विठा सारीयूं !
काफ़यूं गीत रास रंग , पावा सोणायुं चंग;
सांई के संभार्यों असीं, सदा विठा सारीयूं !
सांई के संभार्यों असीं, सदा विठा सारीयूं !
पेरुं बेर लीयार लर, खारक मेवा बावर खर;
गुवार मुड बाजरीयुं असीं, सदा विठा सारीयूं !
गुवार मुड बाजरीयुं असीं, सदा विठा सारीयूं !
मोरला मलारियें नित कुंजड़युं कुणकारियें ;
सेंण ! आँकें सार्यों असीं, सदा विठा सारीयूं !
सेंण ! आँकें सार्यों असीं, सदा विठा सारीयूं !
सुरा संत सांयर पीर , डातार जन्में जते;
सतीयूं पघमणीयुं असीं, सदा विठा सारीयूं !
सतीयूं पघमणीयुं असीं, सदा विठा सारीयूं !
मालक जी छल थिए मेर, विछड़या मलें थिए खेर ;
बेडयुं कच्छ हाकार्यों असीं, सदा विठा सारीयूं !
बेडयुं कच्छ हाकार्यों असीं, सदा विठा सारीयूं !
: माधव जोशी “अश्क”
कच्छी बोली बोल मेठा !
कच्छी बोली बोल
मेठा ! तूँ कच्छी बोली बोल !
मेठा ! तूँ कच्छी बोली बोल !
कच्छी बोली बोल
तूँ धिलझी अच्छी बोली बोल !
मेठा ! तूँ …..
तूँ धिलझी अच्छी बोली बोल !
मेठा ! तूँ …..
कच्छी बोलो
कच्छी लक्खों
कच्छी वांचयों
कच्छी सक्खों !
कच्छी लक्खों
कच्छी वांचयों
कच्छी सक्खों !
: माधव जोशी “अश्क”
किस्मत रेखा : बाल काव्य
किस्मत रेखा
बाल काव्य
-*-
बाल काव्य
-*-
चितर चितरीयां !
रत्ता पीरा , कारा नीला
गुल्ल गुलाबी , चितर चितरीयां!
रत्ता पीरा , कारा नीला
गुल्ल गुलाबी , चितर चितरीयां!
सिज ने चंधर , तारा मंढल !
वसंधल मेघ मलार चितरीयां !
कुकड़ कागड़ो, हंस कबुतर,
तितर कलायल मोर चितरीयां !
हाथी घोड़ो , उठ गांय ने ,
रिढ़ ने बकरी , मे चितरीयां !
हिकड़े निनढड़े हथ जे विचमें ,
किस्मतजी आऊं , रेखा चितरीयां !
: माधव जोशी “अश्क”