sachin – Kutchi Maadu

अय मींयड़ा !

Jul 24th, 2013

अय मींयड़ा !
वले वतनतें,
आया वठेजा डीं मूंजा मिठड़ा !
वस, हाणें तुं वस अय मींयड़ा ! … वले वतनतें..
पखी पारेवडा आस करीने ,
वनमें विठा अइं , तुं डिस मींयड़ा ! … वले वतनतें..
खेडू खेतर खेड़ीअें पिंढजा,
वसी पुसाय, तुं पट मींयड़ा ! … वले वतनतें..
जोतर बधीनें ढगा जुपायें,
पोखेंके डॅ, तुं जस मींयड़ा ! … वले वतनतें..
गोंइयें मैंयेंजा धण अैं सुनां,
धा पाणी तां डिइ विन मींयड़ा ! … वले वतनतें..
छायजो छमकारो गजे गोठगोठ,
बाजरजी मानीतें, मखण गच मींयड़ा ! … वले वतनतें..
धरातें उतरइ “देव” हेली हरखजी,
तुं खणी आवें आनंध वस मींयड़ा ! … वले वतनतें..

: वेरसीं मातंग “देव”

खेतर खपॅ तो … :) !

Jul 18th, 2013

by sachin.

1 comment

कच्छी कॉमेडी फिल्म खेतर खपॅ तो !

आसाढी ग़ीत

Jun 26th, 2013

by sachin.

No comments yet

મન તૂં મૉભતજો મેડ઼ો ભનાય,
મન તૂં સૉભતજો મેડ઼ો ભનાય.
મૉભતજી રાંધ મેં હીયેંજા હેતનેં,
હીંયેં જે હેત મિંજ માડૂજો વેશ.
માંજરી હિન કુખમેં તૂં મૉભત ગુરાય.
મનતૂં મૉભતજો મેડ઼ો ભનાય……..

સૉભતજી સંગમેં ધિલજા સબંધનેં,
ધિલમેં લગ઼ેં વિઠીયું સૉભત જ્યું સૂઈયૂં,
સુગંધી સુખડ઼જો તૂં અભલખ સજાય.
મનતૂં મૉભતજો મેડ઼ો ભનાય……..

મૉભતજી વાટતા માડૂ વટાંણુંનેં,
હીંયેંમેં આષાઢી ઉમંગ રચાણું.
ધબકંધે ધિલ કે તૂં ધિલસેં મિલાય.
મનતૂં મૉભતજો મેડ઼ો ભનાય……..

: ગૌતમ જોશી (ઈનીજે પ્રકાશન “નિમોરીયું” મિંજા સાભાર)

Reference : http://drrameshbhattrasmikbnn.wordpress.com

नॉन स्टोप कच्छी लोक गीत

Jun 4th, 2013

by sachin.

2 comments

तेज वाणी !

May 16th, 2013

by sachin.

2 comments

: कवि तेजपाल धारसीं नागडा “तेज”

Reference : http://www.facebook.com/tejpaldharsinagda.tej?hc_location=timeline/

डेसी बावर कच्छजो

Apr 25th, 2013

by sachin.

No comments yet

सीम सेड़े बावरीयो उभो,
कंढेधार बावरीयो उभो,
रजोटी जॅड़े पीरें फूलड़े,
खबरदार बावरीयो उभो !
बकरी नेढू पन चलरेंती,
कीड़ी माकुड़ीअें ह़ार हलेंती,
गूंध जिवे प्यो घाटो थुड़में,
घटाधार बावरीयो ऊभो ! .. सीम…
सोटीयुं ईनज्युं लम्युं लम्युं,
डनणला ई गमयुं गमयु,
गरीभ गुरबें बायणला कर,
वफादार बावरीयो ऊभो ! ..सीम…
कितक तराजी पार उभो ,
कितक गस, गडावट ऊभो,
वाडी भगीचें मों न विजे,
चॉकीधार बावरीयो ऊभो ! ..सीम…
मों पची पोंधे पन चबीजा ,
सेड़े कंढारी वाड़ राखीजा,
बावर खासो त मिंजा वासो,
कच्छ आधार बावरीयो ऊभो

: आईदान खीमकरण गढवी “देवी पुत्र”