Kutchi Maadu Rotating Header Image

अशाढी बीजजी घणें वधायुं 🍨 साल मुबारक!

Jun 20th, 2023
by Jay जय.
कच्छी नउं वरे
———————
बीज जे चंधरतां आसाड उतरे,
पालर वडरें जे पडरेंतां नितरे.

कामाय डिसीनॅ वग઼डो पाछो वरे,
खेतर खिली खीडू઼एं के नૉतरे.

न्यारे इंधरलठके नॅ रण प्यो ठरे,
मॅनथ भेराभेर, माडू઼ मन जोतरे.

चૉपा चरॅं जीव मातर सौको परे,
तराके करे तिलक टुबण पिई तरे.

नयें वरेमें, कच्छी नईं आस भरे,
मोरजी पीछीसें नां चितर चितरे.

अमृताबा डी.जाडेजा.
तुंबडी कच्छ

Posted in: Festivals, Kutchi Kavita,Chovak,Sahitya (Poetry, Quotes, Literature), Kutchi Lokgeet.

←
→

Leave a Reply