Kutchi Maadu Rotating Header Image

वड़ डाडा

Nov 13th, 2010
by sachin.
1 comment
वड़ डाडा
*****
निसाड़में क बार सॅरी-चॉक में निन्ढें सरतीयें ज़्यूं ब टोलियूं थीअें नें जोम जुस नें भावसें साम सामा पड़कारा थीअें ….. छोकरेंके रांध- रांधमें सिखेजो मिले नें जाध प रै विने तॅडी़ ही रांध नारायण जोसी “कारायल” जे ईंधल प्रकासन म्यां आए .
जोड़कणां
टोली १
वड़ डाडा वड़ डाडा
लमीं लमीं डाडी़ं वारा …….
वडी वडी वड़वाई वारा

निपट निन्ढें बिजें वारा
जबर जॉराते थुड़ वारा …….
मींयड़ें के वारण वारा

पोंयूं रिढूं हित वेंत्यूं
माडूडा़ हित ठापर खणेंता …….
रांध भिरांठडी़ रमाय वारा

कीडि़यूं माकूडा़ हित वसेंता
पखीडा़ सांजी भेरा थै ने ……..
जीव मातर के थाधारे ने़

टोली २
जोगी जटारा वड़ डाडा
थालडी़ जॅड़ें पनें वारा
मिठा लग़ेंता वड़ डाडा

रतें नीलें टेटें वारा
ऊनीं ऊनीं पाड़ें वारा
खासा लग़ेंता वड़ डाडा

गो़ंयूं मैयूं वेसा खेंत्यूं
पिरभ पाणीजा हित वें ता
वला़ लग़ेंता वड़ डाडा

जर जिनावर हित ठेकेंता
किलबिल किलबिल रयाण करींता
वेसां डींयेंता वड़ डाडा

: नारायण जोसी “कारायल”

Posted in: Kids, Kutchi Kavita,Chovak,Sahitya (Poetry, Quotes, Literature).

शुभ दीवाली ! साल मुबारक !

Nov 4th, 2010
by Jay जय.
1 comment

Posted in: Festivals, Religion,Spirituality.

Diwali Kachchhi Recipe : BAAJAR JA MOTHIA

Nov 4th, 2010
by Kalpana.
1 comment
BAAJAR  JA  MOTHIA
Saamagri:

2 vaadko bajar jo atto

1 vaadko jowar jo atto

1 vaadko finely chopped kaanda(dungri/onion)

3   tbsp. radheli bhaat(cooked rice)

meetho swad anusaar(salt)

3 tbsp. tel (oil)

1 1/2  tsp.aadu-mercheji paste

1/2 tsp. hing

mothia baafela paani/cooker

Mothia Vagharela kare:

1 tsp. rai

1 tsp. ter(til/sesame seeds)

chapti hing

1 1/2 tbsp. tel(oil)

kothmari

khamnelo  nariyel

Mothia  bhanayji reet :

Continue reading →

Posted in: Food, Recipes.

जेंणां पांके जलइ खपे

Oct 21st, 2010
by sachin.
No comments yet
जेंणां पांके जलइ खपे
************
सचजी हमेसां थीये कसॉटी , जेंणां पांके जलइ खपे,
सच ते हमेसां रॉजे चॉटी, जेंणां पांके जलइ खपे.

चिईं डिंयेंजी चमक धुनियांजी , भलें लग़ेती खासी,
भाकीं गा़ल ही साव खोटी, जेंणां पांके जलइ खपे.

सीरा-पूडी लडूं ने भजीया, सिभाजें रोज कीं माडूके ?
ई मिठी लग़ंधी रोज रोटी, जेंणां पांके जलइ खपे.

गीत-गजलूं लिखी करीनें धरध तुं ओछो कैजें,
अचींघी ‘सरमाड़’ हथ्रॉटी, जेंणां पांके जलइ खपे.

: जगदीस गोर ‘सरमाण’

Posted in: Kutchi Kavita,Chovak,Sahitya (Poetry, Quotes, Literature).

शुभ नवरात्री २०१० !

Oct 8th, 2010
by Jay जय.
No comments yet

Posted in: Festivals, General, Religion,Spirituality.

મુજી રીતે……

Oct 3rd, 2010
by ddamas.
3 comments

હી જીવન જીવી શકા નતો મુજી રીતે,
શબ્દ મેણે લેખી શકા નતો મુજી રીતે.

નિયમે જે કાગર તે ઇચ્છાજી શાહી કે,
આઉ વહાય પણ શકા નતો મુજી રીતે.

સમય થોભેલા નતો ડે કેતે પણ ક્ષણભર,
આઉ સફર કે રોકે શકા નતો મુજી રીતે.

આંજી યાદમે સાગરજે હી ખારે પાણી કે,
ચખે કડે પણ શકા નતો મુજી રીતે.

મૃગજળ જેળા શમણાં જીવન જે રણમે મેલ્યા,
રણ જો તારણ પણ ખણી શકા નતો મુજી રીતે.

“ધ્રુવ” હી ત મહેરબાની આય ચંધર જી,
નેકા ત ચમકી પણ શકા નતો મુજી રીતે.

: ધ્રુવ એલ. ભાનુશાલી– “ધ્રુવ“

Posted in: Kutchi Kavita,Chovak,Sahitya (Poetry, Quotes, Literature), Kutchi Language.

Kutchi Recipe : Lapai

Oct 2nd, 2010
by Kalpana.
No comments yet
Lapai (Laapsi) :

A delicious sweet made with broken wheat.It will nourish you with energy, protein and iron.In Kutchi we call it “Daare jo seero or Lapai”.

Ingredients :

1 cup broken wheat (bulgar /cracked wheat/daaro )

1 cup gud

3-4 cups  water

1/2 cup Ghee

1 tbsp. Cardamom powder(elaichi)

Kaju (cashews)and Kismis(raisins), Badam (almond slivers)

Method :
Continue reading →

Posted in: Recipes.

गोकल गी़त ! Kachchhi Krishna Bhakti Geet

Oct 1st, 2010
by Jay जय.
No comments yet
मोरली तां आय त तां हूंधो वजा़ईंधल कान !
गो़तियूं त मिलंधो गोकल गजाईंधल कान ! ….

ऊ ज आय व्रन्धावन
ऊ ज मथुरां ध्वारकां ,
मतलब त मा़डू प को’
ऊ ज अैं नईं पारका ;
ऊ ज आय पांके पांजा भनाईंधल कान ! ….

रुभरु मिलों पां रोज
कम वॅ क न वॅ,
रुबरु खिलों पां रोज
गम वॅ क न वॅ;
रुभरू अचींधो रुभरु मिलाईंधल कान ! ….

सिज़ के न चॉवाजे
जग़ के उजा़रो मं डॅ,
जोत के न चॉवाजे
जोत ! जग़मगारो मं डॅ!
पांके चेतायतो जोत प्रिगटाईंधल कान !

जिंध न ता छडीयें
जगजा ही हुल घडीभर,
कयांनूं ज़मार भने
जमनां जो घाट घडी़भर !
ही र्यो नकां रोम रोम रासूडा़ रचाईंधल कान !….

:मदनकुमार अंजारिया “ख्वाब”

Posted in: Kutchi Kavita,Chovak,Sahitya (Poetry, Quotes, Literature), Religion,Spirituality.

श्री नीतीजा दोहरा

Sep 19th, 2010
by sachin.
No comments yet
पेला नमज नीम सें , जिको मिणीजो मूर;
तेंसें तेंजें तेज सें , निकरी वेंधा सूर. : १

मा पेके अईं मान डयॉ, अईं आंजा आधार ;
अिनींजी आसीससेंज, अईं तरी थींधा पार. : २

मेहताजी के मान डॅ, भणतर में मन भेड़ ;
प्यारो थीजे प्रेम सें, रखॉ मिणीअसें मेड़. : ३

वडे वताई वाट तें, समजी हलजा सॅज़ ;
चॅ नारायण नीमसें, नित अुनींअ वट वॅज. : ४

सुखसें वॅलो रॅ सुमीं, वॅलो अुथीये वीर ;
बर बुद्धि नें धन वधे, सुखमें रॅ सरीर. : ५

गूरुके ईश्वर सम गणें, भणतर में मन भेड़ ;
विध्या सें वृध्घि थीये, विध्या जॅडो़ केर . : ६

विगर सवारथ वडेंजी, सेवा कर तूं सॅज़ ;
नारायण चॅ नीम सें, वधू अुनींअ वट वॅज़ . : ७

: ठक्कर नारायणजी विसनजी जोबनपुत्र

Posted in: General, Kutchi Kavita,Chovak,Sahitya (Poetry, Quotes, Literature).

ईस्वर स्तुति

Sep 16th, 2010
by Jay जय.
No comments yet
ईस्वरके भज प्रॅम सें, आय जग़जो आधार;
गुण तेंजा संभारीयों, सुखी कंधल संसार – १

कर रक्षम प्रभु हेत सें , धिल-ज असांजो साफ;
भोल असीं करीयों कडें, से हरी कर तं माफ – २

श्री कच्छी लिपि लिखणसें , कच्छीअेंजो कल्याण ;
पोथी तें कारण लिखां, लिपिके डीजा मान – ३

: ठक्कर नारायणजी तुलसीदास जोबनपुत्र

Posted in: General, Kutchi Kavita,Chovak,Sahitya (Poetry, Quotes, Literature).

← Earlier Posts
Newer Posts →